මේ සියල්ල ආරම්භ වූ ආකාරය

අමේන්ද්‍ර (හරීන්) ද එස් විජයරත්න ශ්‍රී ලංකාවේ මානසික සෞඛ්‍ය යටිතල පහසුකම් සඳහා සහයෝගය දැක්වීම සහ වැඩිදියුණු කිරීම සඳහා වූ අදහස් සහ “මානසික ව්‍යායාම ශාලාවක්” පිළිබඳ ඔහුගේ දැක්ම හුවමාරු කර ගත්තේය. රේඛා ක්‍රිෂ්ණමූර්ති සමඟ එක්ව මෙම උත්සාහයන් සඳහා කැප වූ ස්වේච්ඡා කණ්ඩායමක් පිහිටුවීමට ඔවුහු තීරණය කළහ.

ශ්‍රී ලංකාවේ මානසික සෞඛ්‍යය වැළැක්වීම සහ ඉක්මන් මැදිහත්වීම සඳහා උපාය මාර්ග සාකච්ඡා කිරීම සඳහා අර්ධ දින සැසියක් පවත්වන ලදී:

– සෞඛ්‍ය අංශයේ, පෞද්ගලික අංශයේ, විද්වතුන්, ලාභ නොලබන අංශයේ නියෝජිතයින් ඇතුළු විවිධ අදාළ පුද්ගලයින් 40 දෙනෙකු මෙම සාකච්ඡාවට දායක වූහ. එයට ඉන්දියාවේ මනෝචිකිත්සකයින් 2 දෙනෙකු සහ මනෝ විද්‍යාඥයෙකු ද ඇතුළත් විය. වෛද්‍යමය මැදිහත් වීම් වලින් තොරව ඉන් ඔබ්බට ගිය පුළුල් හරවත් සාකච්ඡාවක් සඳහා මෙම විවිධ වූ කණ්ඩායම සමත් විය. 

– ශ්‍රී ලංකාවේ වර්තමාන මානසික සෞඛ්‍ය තත්ත්වය පිළිබඳව සලකා බැලීම සාකච්ඡාවට ඇතුළත් විය. සාමූහිකව ගැටලු විසදීමේ සැසි වල ප්‍රතිඵලයක් වශයෙන් මූලික අංශ 5 ක් හඳුනා ගත් අතර පළමු මූලික අංශය කෙරෙහි අපේ අවධානය යොමු කිරීමට තීරණය විය.

1. දැනුවත්භාවය ගොඩනැගීම සහ අපකීර්තිය තුරන් කිරීම
2. අරමුදල් රැස් කිරීම
3. ප්‍රතිපත්තිමය මැදිහත්වීම
4. නිපුණතා පුහුණුව හා සංවර්ධනය

5. ව්‍යාපෘති හඳුනා ගැනීම (මානසික යහපැවැත්මට සහාය වීම සහ වැඩිදියුණු කිරීම සඳහා වූ මුල් පිරීම් හඳුනා ගැනීම)

(කොවිඩ් –19 හේතුවෙන් අත්හිටුවා ඇත): කල්‍යාණ NIMH වෙත ආධාර කිරීමට ඉදිරිපත් වී සහයෝගය ලබා ගැනීමට හැකියාවක් ඇති පහත සඳහන් කොට්ටාශ හඳුනා ගන්නා ලදී:

– ජ්‍යෙෂ්ඨ පුරවැසියන් සහ තරුණ සහශ්‍රකයින් අතර සන්නිවේදන පරතරය පිළිබඳ වැඩමුළුවක් පැවැත්වීම.

2020 මාර්තු 16 වෙනිදා නිවේන්ද්‍ර විසින් වෛද්‍යවරුන් හා හෙදියන් 50 දෙනෙකු සඳහා වැඩමුළුව පැවැත්වීමට නියමිතව තිබුණි. අවාසනාවකට මෙන්, කොවිඩ් -19 වසංගතය හේතුවෙන් වැඩසටහන පසුවට කල් දැමීමට සිදු විය.

– වෙබ් අඩවිය වැඩි දියුණු කිරීමට සහ සෙවුම් යාන්ත්‍රනය ප්‍රශස්තිකරණයට සහාය වීම.

– ලබා දී ඇති අවශ්‍යතා ලැයිස්තුව සඳහා NIMH වෙතින් ප්‍රතිචාර බලාපොරොත්තුවෙන් සිටී.

ජ්‍යෙෂ්ඨ කථිකාචාර්ය සහ 59 වන වාට්ටුවේ ප්‍රධානී වෛද්‍ය මධුභාෂිනී දයාබණ්ඩාර සමඟ, එහි පිරිමි වැසිකිලිය ප්‍රතිසංස්කරණය කිරීම සඳහා කල්‍යාණ සාකච්ඡාවන්හි  යෙදුණි.

අපට රජයේ අනුමැතිය ලැබුණු අතර ව්‍යාපෘතිය 2021 පෙබරවාරි මාසයේදී නිම කරන ලදී. මුළු වියදම වූ රුපියල් 1,195,000 න් ආසන්න වශයෙන් රුපියල් 845,000 ක් සදහා අපි දායක වූයෙමු.

කළ්‍යාණ ඉන්ස්ටග්‍රෑම් පිටුව: @kalyanaslorg. වේදිකාවේ අරමුණු වනුයේ:

– මානසික සෞඛ්‍ය යන මාතෘකාවට සම්බන්ධ වීමට, දැනුවත්වීම වර්ධනය කිරීම, අපකීර්තිය බිඳ දැමීම සහ මානසික සෞඛ්‍ය පිළිබඳ සංවාද සාමාන්‍යකරණය කිරීම

– ඔවුන්ගේ මානසික සෞඛ්‍ය ගැන වඩාත් ධනාත්මකව හා ක්‍රියාශීලීව සිතීමට මිනිසුන් දිරිමත් කිරීම

– මිනිසුන්ගේ සමස්ථ යහපැවැත්ම පවත්වා ගැනීමට විවිධ මෙවලම් හා තාක්‍ෂණ ලබා දීම

– මානසික සෞඛ්‍ය පිළිබදව තමන්ගේම අරගලයන් අන් අය සමග බෙදා ගැනීමට වේදිකාවක් සහ හඬක් ලබා දීම

– මානසික සෞඛ්‍ය අවකාශයේ සතිපතා නොබැඳි සහ මාර්ගගත අන්තර්ගතයන් ප්‍රදර්ශනය කිරීම

– මිනිසුන්ට අන් අය සමඟ සම්බන්ධ විය හැකි සහ තනිකම අඩු බවක් දැනෙන වේදිකාවක් ඉදිරිපත් කිරීම.

මානසික රෝග පිළිබඳ දැනුවත් කිරීමේ සතිය නිමිත්තෙන් කල්‍යාණ අතථ්‍ය සජීවී විවෘත–මයික් උත්සවයක් පැවැත්වීය.

– ඉන්ස්ටග්‍රෑම් සජීවී අවස්ථාවකට සහභාගී වීම සඳහා කලාකරුවන් බඳවා ගනු ලැබූ අතර එහිදී ඔවුන්ගේ මානසික සෞඛ්‍යය සම්බන්ධයෙන් මුහුණ දුන්/මුහුණ දෙමින් පවතින අරගල සහ ඒවා ජය ගැනීමට ඔවුන් කටයුතු කරන ආකාරය බෙදාහදා ගත්හ.

– ඔවුන් තමන් සහ තමන්ගේ කතාව වඩාත් හොඳින් නියෝජනය කරන බව ඔවුන් විශ්වාස කළ කාර්ය සාධනයක් ද ඉදිරිපත් කළහ.

– අපගේ අරමුණ කෙරෙහි දැඩි උනන්දුවක් දක්වන සහ අපගේ අරමුණු සාක්‍ෂාත් කර ගැනීමට සතුටින් උපකාර කිරීමට ඉදිරිපත් වන මිනිසුන්ගේ ප්‍රජාවක් ගොඩනැගීමට අපට ඉඩ සැලසීමේදී මෙම සජීවී ක්‍රියාවලිය බෙහෙවින් ඉවහල් විය.

කල්‍යාණ සහ AOD විසින් AOD සිසුන්ට වසංගතයේ බලපෑම ගවේෂණය කරන webinars හමුවීම් මාලාවක් පැවැත්වීය.

මෙම සාකච්ඡාවේදී සමාජ හුදකලාව, අඩු චිත්ත ධෛර්යය, අනන්‍යතා අර්බුද, නව ඉගෙනීමේ ආදර්ශයක අභියෝග, ඵලදායිතාව පහත වැටීම සහ ඩිජිටල් ඇබ්බැහි වීමේ අවදානම පිළිබඳව ගැඹුරින් විමර්ශනය වූ අතර, විශ්වර් ස්වාමිනාදන් විසින් මෙහෙයවන ලද එයට, මානසික සෞඛ්‍ය වෘත්තිකයන් වන ෂැනෙල් දි අල්මේදා, වෛද්ය චින්තා දිසානායක සහ වෛද්ය දේවක වනිගරත්න යන අයගෙන් සැදුම්ලත් මණ්ඩලයක් සම්බන්ධ විය.

කල්‍යාණ විසින් ශ්‍රී ලංකා නීති ශිෂ්‍ය සංගමයේ ශිෂ්‍ය බල මණ්ඩලය සඳහා ආතතිය සහ කාල කළමනාකරණය පිළිබඳව, වෛද්ය චින්තා දිසානායක සහ ෂැනෙල් දි අල්මේදා සම්පත් දායකයින් ලෙස සහභාගී වූ වෙබ් සංදර්ශනයක් සඳහා පහසුකම් සැලසීය.

වසංගතයෙන් පීඩාවට පත් ශ්‍රී ලාංකික සිසුන්ට වඩා හොඳ යොමුවකින්, අවධානය යොමු කළ හැකි මානසිකත්වයකින් සහ අඩු මානසික ව්‍යකුලතාවයකින් යුතුව ඔවුන්ගේ නව යථාර්ත සැකසුම් වලට අනුවර්තනය වීමට උපකාර කිරීම කෙරෙහි මෙම webinar අවධානය යොමු විය.

කල්‍යාණ 2022 ජනවාරි 20 වන දින අපගේ වෙබ් අඩවියේ බ්ලොග් අඩවියක් දියත් කරන ලදී. මෙම බ්ලොග් අඩවිය තුළ වෘත්තිකයන් මෙන්ම ලේඛකයින් විසින්ද මානසික සුවය සහ යහපැවැත්මට අදාල විග්‍රහයන් සටහන් කරනු ලැබේ.

කල්‍යාණ නොමිලේ මාර්ගගත උපදේශන සේවාවක් දියත් කරන අතර, පුහුණු මානසික සෞඛ්‍ය වෘත්තිකයන් 10 දෙනෙකුගෙන් ආරම්භ වන මෙම සේවාව, පවතින ආර්ථික අර්බුදයෙන් පීඩාවට පත් ශ්‍රී ලාංකිකයන්ට මානසිකව සහය දැක්වීම සඳහා ඔවුන්ගේ කාලය සතිපතා පැය 20+ ලබා දෙයි.

සාමාන්‍ය ජනතාව අතර මෙම සේවාව ප්‍රවර්ධනය කිරීම සඳහා ත්‍රිභාෂා සමාජ මාධ්‍ය ව්‍යාපාරයක් ක්‍රියාත්මක විය.